උතුම් බුදු බණ නිරන්තරයෙන් දෙසූ දළදා සමිදු සරණයි
නුවන් සනහන කැළණි මියුගුණ සෑ රදුන් සිළුමිනෙහි සරණයි
සමන් ගිරහිස පහන් කරමින් තැබූ මුණි සිරිපතුලෙ සරණයි
නිවන් දක්නා ජාති දක්වා අප හැමට තුනුරුවන් සරණයි

උදාවන හිරු සැගව ගොස් යළි නැගෙන තුරු බුදු හිමිගෙ සරණයි
හදාගත් ගේ පැළට දරු මුනුපුරන් හට දම් රුවන් සරණයි
නිදාගෙන යළි අවදිවන තුරු උතුම් මහ සඝ රුවන් සරණයි
සදාකාලයෙන් සදාකාලයට අප සැමට තුනුරුවන් සරණයි

ගෙයින් පිටවී යළිත් එනතුරු අපට මුනිගුණ පිහිට වේවා
කරන්නට යන සියළු කටයුතු සිතන අයුරින් සපල වේවා
මෙයින් මතු කරදරද උවදුරු අපේ දිවියට ළං නො වේවා
බුදුන් දම් සඝ රුවන් බලයෙන් සදා කල් සෙත් දි රකීවා

සිතින් වචනින් කයින් සිදුවන සියළු අකුසල් දුරු කෙරේවා
සිතන සිතුවිලි වලින් නිබදව අපේ මුදු හදවත් පිරේවා
එයින් පල ලැබ උතුම් අරහත් පසේ බුදු තනතුරු ලැබේවා
එයින් පින්වත් අප හැමෝටම නිවන් පුරයෙහි දොර ඇරේවා

අට විස්සක් බුදුන් සරණ සිහිකර මම වැන්දා
නව ලොවුතුරු දහම් රත්නෙ සිහිකර මම වැන්දා
අරිහත් පල සංඝ රත්නෙ සිහිකර මම වැන්දා
මෙතුන් රත්නෙ සිහිකර මම නිවන් පතා වැන්දා

සාදූ සාදූ මෙමා කළ පිං පෑදි පෑදී තිබේවා
ආදි ආදී නොදැන කළ පවු සේදි සේදී ගෙවේවා
ජාති ජාතී දුකක් විපතක් කිසිම කලකත් නොවේවා
සාදු සාදූ මෙපින් බලයෙන් නිවන් සම්පත් ලැබේවා

මව්පියො මගේ පින් අනුමෝදන් වේවා
ගුරුවරුනටද ඒ ලෙස පින් අත් වේවා
මළගිය ඥාති වරයෝ සුවපත් වේවා
සැමට උතුම් නිර්වානය අත් වේවා

මේ කළ මහ පිනෙන් මතු සසරේ පවර
ඇසුමට නොවේවා නැත යන බස් වහර
කිසිවිට දිළිදු කුලයක උපතක් නොකර
කෙළවර ලැබේවා නිර්වාණය අමර

ආයාසයක් කිසි කළක නොවන්ටයි
බයා දුකක් කිසි කළක නොවන්ටයි
කියා තිබෙන බණ මුනිව අසන්ටයි
පියාණනි මගේ නිවන් දකින්ටයි

දැන් මා දස අකුසල් නොකරන්නේ
නිම්මාවක් නැති කුසල් කරනේ
දැන් මා කළ පිං අයු වඩන්නේ
අම්මා මාගේ නිවන් කින්නේ

අප පිටුවේ පෙර පල කල ලිපි කියවන්න
පිවිසෙන්න https://www.facebook.com/dharmadhanan