පෙර අකුසල පලදී දුක් විඳි යුවළක්
සත්ත්වයා මේ සංසාරයට බැඳී ගමන් කරන්නේ කර්මය නිසා ය. කුසලාකුසල කර්ම හේතු කොට ගෙන, ඒ හේතුවේ ඵලය වශයෙන් සැප දුක් විඳිමින් සංසාර ප්රවාහයට එක්ව දිගින් දිගට විවිධ ආත්ම භවයන්හි ඉපදෙමින් මැරෙමින් ගමන් කරති.
“කරන කලට පව් මීරිය මීසේ – විඳින කලට දුක් දැඩි වෙයි ගිනි සේ” කියන්නා සේ මිනිස් භවයේ උපත ලැබූවත් බොහෝ දෙනකුට වස්තු සම්පත් ලැබී සැප විඳින විට පරලොවක් ගැන සිතන්නට පවා නොසිතෙයි. එහෙත් දුක් විඳින්නට සිදුවූ විට හඳහන රැගෙන දෛවඥයන් කරා ගොස් මේ “නරක කාලයට” හේතු විමසයි.
දේවාල කරා ගොස් පුද පූජා තබමින් “අනේ; දෙයියනේ පස්වාන් දහසකට බුදුවෙන්ඩ. ඔබවහන්සේ ගේ දිව නෙතින් බලා දිව නැනින් අසා මේ අසරණ ගැත්තාට අනුකම්පා කොට පිනට පිහට වෙන්නැ’යි යදිති.
එහෙත් මොහු පුළුවන් කාලේ කළ කී දේ දෙවියෝ දනිති. දෙවියෝ පමණක් නොව මහිද්ධික පේර්තයෝ පවා දනිති. මිනිසා විසින් රහසේ, කාටත් හොරෙන් යැයි සිතා කරන වැරැදි කි්රයාත්, යහපත් කි්රයාත් මේ විශ්වයට රහසක් නොවේ.
අකුසල කර්ම විපාකයකට ගොදුරු වී දුක් පීඩා විඳින කාන්තාවක ගේ කතාවකි මේ. කුමක් හෝ කුසල කර්මයක ආනිසංසයෙන් ඇය මිනිස් භාවයක් ලබා උපත ලබා ඇත.
ප්රදේශයේ ප්රසිද්ධ පාසලකින් අධ්යාපනය ලබා විභාග සමත් වී සෞඛ්ය අංශයේ වැදගත් යැයි සම්මත රැකියාවකට පත් වූවාය. එසේ ම පෞද්ගලික සේවයේ ද විශාල ආදායමක් ඉපැයූ සෞඛ්ය අංශයේ ම කෙනකු සමඟ විවාහ වූවාය.
විවාහයෙන් පසු ඇය නිතර යම් බඩේ වේදනාවකින් පීඩා විඳින්නට වූවාය. පිළිසිඳ ගැනීම් සිදු වුව ද මාසයෙන් දෙකෙන් ගබ්සාවීම වළක්වා ගන්නට බැරි විය. ඒ අතර ම ඇගේ ස්වාමියා උපයනා මුදල් නිකරුණේ වැය වන තත්ත්වයක් ද උදාවීය.
නිතර රිය අනතුරු සිදුවෙමින්, එම රිය අනතුරු ඔහුගේ වරදින් සිදුවීම නිසා තුවාලකරුවන්ට හා බාහිර දේපළවලට ලක්ෂ ගණනින් වන්දි ගෙවන්නට සිදුවීය. එසේ ම බිරියගේ ගර්භාෂගත රෝග තත්ත්වයට ද ලක්ෂ ගණනින් වියදම් කොට ප්රතිකාර කරන්නට ද සිදුවීය.
වෛද්ය ප්රතිකාර හැරෙන්නට වෙනත් ආධ්යාත්මීය කටයුතු හෝ වත් පිළිවෙත් හෝ කෙරෙහි විශ්වාසයක් නොතැබූ මේ අයගේ දුක් පීඩා දිනෙන් දින දෙගුණ තෙගුණ වන්නට ද වීය. බැරි ම තැන ඥාතියකුගේ මඟ පෙන්වීමක් අනුව මේ දෙදෙනා ගලිගමුවේ ඥානදීප හිමියන් හමුවීමට පැමිණියහ.
ඇගේ යටිබඩ දරුණු කටුවකින් හෝ නියපොතුවලින් සූරනවා සේ දැනෙන බවත්, නින්දේදී ශාරීරික වේදනා නිසා බොහෝ සේ දඟලන බවත්, මේ හේතුව නිසා උදේ වන විට ගබ්සා වී ඇති බවත් දැනට විසි වතාවක් පමණ ගබ්සාවී ඇති බැවින් දරු සම්පත් අහිමි වී ඇතැයි ද අනාවරණය විය.
බටහිර වෛද්ය ප්රතිකාර අනුව මේ අඹුසැමි දෙදෙනා ම නීරෝගී බවත් සරු බවත්, මෙසේවීමට කිසිදු අඩුපාඩුවක් හෝ හේතුවක් හෝ සොයා ගැනීමට නොහැකි වූ බවත් ඇගේ සැමියා පැහැදිලි කළේය.
මේ ගවේෂණයේ දී අනාවරණය වූයේ මේ අඹුසැමි යුවළ පෙර භවයක ගබ්සා මධ්යස්ථානයක් පවත්වාගෙන ගිය බවත්, එහි දී මෙම කාන්තාව හෙදියක් ලෙස එම කටයුත්තේ ප්රධාන කාර්යයන් කි්රයාත්මක කළ බවත් එසේ ගබ්සා කිරීම්වලදී එම ගැබ්වලට ප්රවිශ්ට වී සිටි ගන්ධබ්බයන් ඇය කෙරෙහි අමනාපයෙන්, වෛරයෙන් ඉවත්ව ගොස් අමනුස්සයින් වී ඉපිද ඇය සොයාගෙන ඇවිත් ඇගේ ගර්භාෂයට පීඩා කොට පිළිසිඳ ගැනීම් විනාශ කරන බවත්ය.(ප්රලය වීම, මෝහනය සහ විවිධ ආධ්යාත්මික ක්රම මගින් මෙලෙස පෙර භවයන් දැනගැනීමටත්, ගවේෂණය කිරීමටත් කල හැක)
මිනිස් ලොව උපතක් ලැබීමේ අපේක්ෂාවෙන් කාන්තාවන්ගේ කුසට පැමිණි ගන්ධබ්බයන්ට පීඩා කොට, ගබ්සා කැර, ඉවත් කිරීමේ පාපයේ ආදීනවය මෙසේ ඇය පසු පස පැමිණ ඇත.
අපේක්ෂාවන් බිඳුණු වෛරයෙන් අමනුස්ස භාවය ලැබූවෝ ඇගේ කළල විනාශ කරති.
මේ අතර බලවතුන් අතින් ගැබ්ගත් තරුණියන් ඔවුන්ගේ අකැමැත්ත ඇතිව ගබ්සා කරවීම්වලට ලක් කිරීම නිසා ඒ තරුණියෝ වෛරයෙන් මැරී යක්ෂණියන්ව පැමිණ ඇගේ ශරීරයේ රුධිරය උරා බීම ද සිදුවීය.
මේ අතර ඇගෙන් පළිගැනීමට ආ තවත් තිදෙනෙක් වූහ. ඒ බලවතකු නිසා ගැබ්ගෙන ගබ්සාවකට ලක් වී සියදිවි හානි කැර ගත් තරුණියක ගේ අමනුස්ස ආත්මයයි.
ඇය ගබ්සාවට ලක්වීමේදී ඇගේ කුසෙහි නිවුන් දරු උපතකට අවශ්ය ගන්ධබ්බයින් දෙදෙනකු පිළිසිඳ සිටියහ. ඒ ගබ්සා වෙන් පසු අධික රුධිර වහනයෙන් හා සිත් වේදනාවෙන් පීඩාවට පත් තරුණිය සිය දිවි හානි කැර ගත්තාය. එයින් පසු අමනුස්ස භාවයන්හි උපත ලැබූ ඇයත් ගන්ධබ්බයන් දෙදෙනාත් එක්ව පළිගැනීම ආරම්භ කළහ.
ඔවුුන් පළමුව ම කළේ ඇය රවටා අමාරුවේ දැමූ බලවතාගෙන් පළිගැනීම ය. ඔහුගේ අපල කාලය කර්මානුකූලව එළැඹෙන තුරු බලා සිට ඔහුගේ මනසට බලපෑම් කොට අධික ලෙස මත්පැන් පානය කරවා, වේගයෙන් මෝටර් රථය පැදවීමට පොළඹවා, මනස අවුල් කොට නිදිමත ගන්වා රිය අනතුරකට ලක්කොට මරා ගත්හ.
එපමණක් නොව මේ යක්ෂණිය ඔහුගේ තුවාල වූ මළ සිරුරෙන් නිකුත් වූ රුධිරය ද උරා බීවාය. දැන් ඒ තිදෙනා ම මේ කාන්තාවගෙන් පළිගැනීම ආරම්භ කොට ඇත.
මේ වැනි බරපතළ අකුසලයනට පිළිවෙත් නියම කිරීම ඉතා ම අපහසු ය. තමන් කළ අකුසල කර්මය තමා ම ගෙවිය යුතු ය. ඒ න්යාය යටතේ මුළු ජීවිතය ම තෙරුවනට පූජා කොට වීර්යයෙන් භාවනා කළ යුතුය.
විශේෂයෙන් ම ගර්භණීන්ට අවශ්ය පෝෂ්යදායී ආහාරපාන හා ඖෂධ පරිත්යාග කළ යුතුය. කුඩා දරුවන්ට ආහාර පානාදියෙන් නිතර සංග්රහ කළ යුතුය. මුළු ජීවිත කාලය පුරා ම නොකඩවා මෙසේ දන් පින් කළ යුතු යැයි ද උපදෙස් දුන්හ. එසේ ඉටු නොකළහොත් අතීතයේ කරන ලද අකුසල කර්මයේ විපාක ගෙවීමට සිදුවන බවත්, එය වෙනත් කිසිවකු විසින් කරන ලද දෙයක් නොව තමන් විසින් ම කරන ලද පාපයේ ආදීනව ය බව ද පැහැදිලි කළහ.
මේ අතර මිච්ඡාජීවයෙන් හෙවත් වැරැදි ජීවනෝපායයෙන් මුදල් ඉපැයීමේ කර්ම විපාකය වෙනුවෙන් තොවිල් පවිල් සඳහා යකැදුරන්ට වියදම් කළ හැකි බවත් එයින් ලබන තාවකාලික සුවයකට වඩා අර්ථවත් පින්කම්වල යෙදී පූර්ණ අකුසල ශක්තිය යම් ප්රමාණයකින් හෝ යටපත් කරන්නට කුසලයෙහි ම යෙදිය යුතු යැයි ද උපදෙස් දුන්හ.
Rightmindfullness වෙබ් අඩවියෙනි.
No comments:
Post a Comment